25-ամյա նորզելանդացին այնքան է տարվել պատահական անցորդ աղջկանով, որ որոշել է անպայման գտնել նրան: Նա դիմել է համացանցի օգնությանը` կազմակերպելով «համաշխարհային որս»:
Ինչպես հաղորդում է Oddity Central-ը, երիտասարդը Նոր տարվա գիշերը տոնել է Հոնգկոնգի փողոցում, երբ նկատել է լացող աղջկա: Տղան, որը ցանկացել է օգնել նրան, լսել է, որ Քեթի անունով աղջիկը կորցրել է ընկերներին և չի կարողանում գտնել հյուրանոցի ճանապարհը: Որոնման ժամանակ երիտասարդները հասցրել են ոչ միայն ծանոթանալ, այլ նաև պարել: Իսկ հրաժեշտից առաջ Քեթին թույլ է տվել լուսանկարել իրեն:
Սակայն նա չի կարողացել հիշել էլեկտրոնային փոստի հասցեն, որը Քեթին հաղորդել էր իրեն, այդ պատճառով օգնության խնդրանքով դիմել է Facebook-ի օգտատերերին:
Այս պատմությունը գրավել է նաև ԶԼՄ-ների ուշադրությունը: Սակայն դատելով Քեթիի արձագանքից, ով ապրում է Ֆրանսիայի հարավում, նա չի շտապոմ հանդիպել երիտասարդի հետ:
