Այսօր Christie’s աճուրդի տունը Հնդկաստանում առաջին անգամ աճուրդ կանցկացնի: Ինչպես հայտնել են Christie’s-ի մամլո ծառայությունում, աճուրդի կներկայացվեն հնդկական արվեստի գլուխգործոցներ: Այս մասին փոխանցում է RBK-ն:
Մոդեռնիստ 6 նկարիչների ստեղծագործությունները ճանաչվել են Հնդկաստանի ազգային մշակութային ժառանգություն: Դրանք երկրից դուրս տանելն արգելված է: Նկարները, վաճառքի դեպքում, միևնույն է, պետք է մնան երկրում:
Ստեղծագործությունների հեղինակների շարքում նշվում են Ռաբինդրանատ Տագորի, Աբանինդրանատ Տագորի, Գագանենդրանատ Տագորի, Նանդալալ Բոշի, Ջամինի Ռոյի և Ամրիտա Շեր-Գիլի անունները:
Հավելենք, որ Շեր-Գիլի նկարը «Անանուն (Գյուղի եկեղեցի Հունգարիայում)», որը ներկայացվել է մասնավոր հավաքածուից, գնահատվում է 468-650 հազար դոլար, իսկ Ռ.Տագորի «Անանուն» նկարը՝ 243-405 հազար դոլար: