Կանադայի բնակիչ Թոմ Քրիստը, ով այս տարվա մայիսին վիճակախաղով շահել էր 40 մլն դոլար, որոշել է շահած ողջ գումարն ուղղել բարեգործությանը: Այս մասին հայտնում է RIA Novosti-ն:
Քրիստն իր մտադրության մասին հայտարարել է շահումից կես տարի անց: Նա սկզբում ցանկացել է անանուն կերպով իրականացնել բարեգործությունը, սակայն երկրի օրենքները նրան դա թույլ չեն տվել:
Գործող կանոնները պահանջում են բարեգործի լուսանկարի և հայտարարության պարտադիր հրապարակում:
Իր բարեգործական գործունեությունը տղամարդը որոշել է նվիրել հանգուցյալ կնոջը՝ Ջենին, ով երկու տարի առաջ 33 տարեկանում մահացել է քաղցկեղից:
Քրիստն ավելի քան 40 տարի աշխատել է էլեկտրասարքավորումների մեծածախ առևտրով զբաղվող կանադական ընկերություններից մեկում: Նա կարողացել է բարձրանալ ու հասնել գլխավոր տնօրենի ու ընկերության նախագահի պաշտոնին: Այս տարվա սեպտեմբերին նա թոշակի է անցել:
