Կանադայի և Գերմանիայի գիտնականների թիմը արտաքին արհեստական թոքեր է ստեղծել թոքերի խնդիրներ ունեցող նորածին երեխաների համար։ Աշխատանքի արդյունքների մասին խոսվում է Biomicrofluidics ամսագրում տպագրված հոդվածում։
Տվյալ կոնստրուկցիայի առանձնահատկությունը նրանում է, որ արյունը դրա մեջ ազատ հոսում է, այլ ոչ թե պոմպերի օգնությամբ, որոնք մի շարք թերություններ ունեն. արյունատար անոթները կարող են վնասվել ճնշման տատանումներից։ Իսկ զուգահեռանիստի ձևի շնորհիվ սարքի մեջ արյունը մատակարարվում է երեխային անհրաժեշտ քանակությամբ և բաղադրությունը համասեռ է մնում։
Սարքը նաև թույլ է տալիս օգտագործել օդը, այլ ոչ թե գազային խառնուրդներ կամ թթվածին։
Գիտնականները հավաստում են, որ իրենց արհեստական թոքերը բավարարում են նորածինների մարմնի կառուցվածքի հետ կապված բոլոր անհրաժեշտ պահանջներին։
