«Առաջին լրատվական»-ի զրուցակիցն է ԽՍՀՄ միջազգային կարգի սպորտի վարպետ, Հայաստանի վաստակավոր մարզիչ, «Արարատ»-ի լեգենդար ֆուտբոլիստ Խորեն Հովհաննիսյանը:
–Ի՞նչ է կատարվում հայկական ֆուտբոլում, մասնավորապես Հայաստանի ֆուտբոլի ֆեդերացիայում:
-Արդեն 20 տարի է հայկական ֆուտբոլը ճգնաժամի մեջ է: Բայց կա հավատ, կան հույսեր, որ անպայման պետք է լավ լինի… 2006-ից ես Հայաստանում ակտիվ գործողություններ չեմ կատարում:
-Եվ պատճառը Հայաստանի ֆուտբոլի ֆեդերացիայի և Ձեր հարաբերությո՞ւնն է:
-Այո՛, իհարկե: Եթե իմ աշխատանքը չպետք է գնահատվի, իմաստ չուներ, որ իմ գործունեությունը շարունակեի:
-Ասում են, որ ժամանակին ֆեդերացիայի նախագահին դուք եք կապել ֆուտբոլի հետ:
-Դե որ ասում են՝ ճիշտ են ասում: Եղել ենք ընկերներ…
–Իսկ Հայաստանի ֆուտբոլի ֆեդերացիայի նախօրեին կայացած ժողովի նպատակը ո՞րն էր:
-Բոլորին հայտնի է, որ 2019թ-ի փետրվարին պետք է լինի ֆեդերացիայի նախագահի ընտրություններ, փաստորեն ստացվեց այնպես, որ բոլոր ակումբները համարյա էլ չդիմացան, բոլորը միանգամից պայթեցին, որովհետև եկել են նոր ժամանակներ, մարդիկ կարողանում են բաց խոսել, արտահայտվել, թե ինչ է կատարվում մեր երկրում և մեր ֆուտբոլում, մինչև այժմ բոլորը լռել են…
Հարցազրույցն ամբողջությամբ՝ տեսանյութում: