«Առաջիկայում շոկային իրավիճակներ չեմ կանխատեսում: Մենք ապրում ենք հետաքրքիր ժամանակներ, և Հայաստանը պետք է կարողանա օգտվել: Երկու օր առաջ գալիս էի Ստրասբուրգից, մեծ թվով հայեր էին գալիս Հայաստան, որոնք շատ ոգևորված էին հայաստանյան իրադարձություններով,- «Առաջին լրատվական»- ի հետ զրույցում ասաց ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը՝ հավելելով, որ պետք է աշխատել, տեղի ունեցածը տրամաբանական ավարտին հասցնելու համար:
Մելքումյանի խոսքով՝ Ընտրական օրենսգրքի քննարկումը նոր է սկսվելու, քաղաքական ուժերն իրենց նախնական մոտեցումներն են արտահայտել: «Մենք հստակ ասել ենք, որ արատավոր ռեյտինգային համակարգը պետք է դուրս մղվի, պետք է անցնենք 100 տոկոսանոց դասական ընտրությունների»,- նշեց Մ. Մելքումյանը՝ հավելելով՝ Աստված տա ունենանք մոտավորապես 91թ. ընտրությունների նման ընտրություն:
Պատգամավորի խոսքով՝ ամենատարբեր ընտրակեղծարարությունների սովորությունները պետք է հաղթահարել լուրջ գաղափարական ճնշմամբ. պետք է հին կարծրատիպերը ջարդել և ճիշտ ընտրություններ անցկացնել:
«Եթե քեզ պարտք են տալիս, նշանակում է վստահում են: Հիմա կա վստահելիություն»,- նշեց Մելքումյանը՝ հավելելով, որ ներդրումների համար նպաստավոր պայմաններ կան: Նրա կանխատեսմամբ՝ պարտքի բեռի բարձրացում չի լինելու:
Մանրամասն՝ տեսանյութում: