Facebook-ի խոշոր ներդրողները դժգոհ են սոցկայքի հիմնադիր Մարկ Ցուկերբերգի աշխատանքից ընկերության ղեկավարի պաշտոնում և մտադիր են նրանից պահանջել հեռանալ։ Այս մասին հաղորդում է Business Insider-ը։
Հայտնի է, որ ներդրողներն ընդհանուր առմամբ տիրապետում են ընկերության 3 մլրդ դոլարի բաժնետոմսերին։ Պորտալի տվյալներով՝ նրանց վրդովեցնում է Facebook-ը ղեկավարելու Ցուկերբերգի մեթոդը՝ հատկապես ԱՄՆ նախագահական ընտրությունների հետ կապված վերջին սկանդալի ֆոնին։
Սակայն ներդրողները վստահ են, որ որպես գործադիր տնօրեն և խորհրդի նախագահ Ցուկերբերգն անձեռնամխելի է՝ ընկերության կորպորատիվ կառուցվաածքի պատճառով։
«Մենք կառավարման խորհրդի կառուցվածքի հետ կապված մտահոգություններ ունենք, որոնք, թվում է, ընկերությունը չի կարող ցրել և որոնք կարող են ռիսկերի հանգեցնել»,-ասել է բաժնետեր Սքոթ Սթինգերը։
Ցուկերբերգի փոխարեն ներդրողներն առաջարկում են անկախ գործադիր տնօրենի նշանակել։
