Դեկտեմբերի 12-ին Բրյուսելում կկայանա Վրաստանի և Եվրամիության միջև համագործակցության խորհրդի 14-րդ նիստը, որը ռոտացիայի սկզբունքով այս տարի կղեկավարի վրացական կողմը: Ինչպես հաղորդում է Trend գործակալությունը՝ վկայակոչելով Վրաստանի ԱԳՆ-ին, վրացական պատվիրակության կազմում են արտգործնախարար Մայա Փանջիկիձեն, եվրոպական և եվրաատլանտյան կառույցներին ինտեգրվելու հարցերով պետնախարար Ալեքսի Պետրիաշվիլին, ԵՄ-ի կողմից՝ ընդլայնման և հարևանության քաղաքականության հարցերով գերագույն հանձնակատար Շտեֆան Ֆյուլեն:
Խորհուրդը կքննարկի օրակարգում ներառված հարցեր, մասնավորապես՝ Վրաստանի և ԵՄ-ի հարաբերությունները, երկրում անցկացվող բարեփոխումները, մարդու իրավունքները, օրենքի գերակայությունը, հակամարտությունների խաղաղ կարգավորման հարցեր:
Այցի շրջանակներում արտգործնախարար Փանջիկիձեն Բրյուսելում կհանդիպի ներքին գործերի եվրահանձնակատար Սեսիլյա Մալմստրյոմի հետ: Կողմերը կքննարկեն ԵՄ-ի հետ այցագրի ռեժիմի լիբերալիզացման ծրագրերի զարգացումը և առաջիկա քայլերը: