Պետդեպարտամենտի ներկայացուցիչ Ջեն Փսաքին հայտարարել է, որ ԱՄՆ կառավարությունը քննարկում է Ուկրաինայի հանդեպ գործողությունների տարբերակներ, այդ թվում՝ պատժամիջոցների սահմանում: Այս մասին հաղորդում է Reuters-ը:
«Քննարկվում են մի քանի գործողություններ, այդ թվում` պատժամիջոցներ, սակայն վերջնական գնահատականը դեռևս տրված չէ` որոշումն ընդունված չէ»,- ասել է Պետդեպի ներկայացուցիչը:
Փսաքին հավելել է, որ Վաշինգտոնն Ուկրաինայի իշխանություններին կոչ է անում վերադառնալ Եվրամիության և Արժույթի միջազգային հիմնադրամի հետ երկխոսությանը, ինչպես նաև լսել քաղաքացիների կարծիքը:
«Ուկրաինան դեռևս եվրաինտեգրման ուղին շարունակելու հնարավորություն ունի»,- նշել է Փսաքին:
