CNN, ABC, Fox News, Univision, ինչպես նաև ամերիկյան մի շարք այլ հեռուստաալիքներ հատուկ Facebook-ում ցուցադրելու համար լրատվական հաղորդումներ կնկարահանեն։ Այս մասին ասվում է սոցկայքի պաշտոնական բլոգում։ Հաղորդագրությունում ասվում է, որ ԶԼՄ-ների ցանկը կարող է ընդլայնվել։
Հատուկ Facebook-ի համար նախատեսված հաղորդումները կզետեղվեն լրատվության որոնման հատուկ բաժնում։ Ընկերությունում կարծում են, որ նորարարությունը օգտատերերին կօգնի «բարձրորակ և ժամանակակից կոնտենտին հասանելիություն ստանալ»։ Հաղորդումները կվարեն ինչպես փորձառու լրագրողները, այնպես էլ սկսնակները։ Առաջին հաղորդումները կցուցադրվեն արդեն այս ամառ։
