ԱՄՆ-ը պատրաստվել է հարվածել Սիրիային՝ չնայած ունեցել է հետախուզական տվյալներ այն մասին, որ քիմիական զենք, հնարավոր է, կիրառել են ծայրահեղականները: Ինչպես հաղորդում է RIA Novosti-ն, նման հայտարարությամբ հանդես է եկել Սեյմուր Հերշը՝ Մոնրեալի Գլոբալիզացիայի խնդիրների հետազոտման կենտրոնից՝ վկայակոչելով ամերիկյան հատուկ ծառայություններին:
Նրա տվյալներով՝ ամերիկյան հատուկ ծառայությունները ամիսներ շարունակ պատրաստել են մի շարք խիստ գաղտնի զեկույցներ՝ Սիրիայում տիրող իրավիճակի մասին:
Զեկույցում պարունակվող տվյալները ամփոփված են, այսպես կոչված, «օպերատիվ դիրեկտիվում»՝ ծրագրերի մասին փաստաթղթում, որը կազմվել է ստորգետնյա ներխուժման գործողությունից առաջ:
Այդ նյութերը վկայել են այն մասին, որ «Ալ-Քաիդա»-ի հետ կապված ջիհադիստական «Ջեբհաթ Ալ-Նուսրա» խմբավորումը ունեցել է զարինի ստեղծման տեխնոլոգիա և կարողացել է արտադրել բավարար քանակություններով:
