Միջազգային միջնորդների «վեցյակի» փորձագետներն ու Իրանի ներկայացուցիչները երկուշաբթի երեկոյան Վիեննայում հավաքվել էին բանակցային սեղանի շուրջ ՝ քննարկելու Ժնևում նոյեմբերի վերջին նախարարական մակարդակով ձեռք բերված պայմանավորվածությունների իրագործման հարցը: Այս մասին ITAR-TASS-ին հայտնել են դիվանագիտական շրջանակների աղբյուրները, որոնք մոտ են կանգնած խորհրդակցություններին:
«Բանակցությունները կշարունակվեն երեքշաբթի»,- հաստատել է գործակալության զրուցակիցներից մեկը: Նրա խոսքով՝ Ժնևում ստորագրված քաղաքական փաստաթղթում շատ տեխնիկական հարցեր կան, որոնց համար դեռ պետք է մոտեցումներ գտնել:
Բացի այդ, Ավստրիայի մայրաքաղաքում, որտեղ գտնվում է Ատոմային էներգիայի միջազգային գործակալության կենտրոնակայանը, դեկտեմբերի 11-ին կմեկնարկեն Իրանի ներկայացուցիչների հետ միջազգային փորձագետների տեխնիկական խորհրդակցությունները:
