ՀՀ վարչապետ Նիկոլ Փաշինյանի տիկին Աննա Հակոբյանը հունիսի 4-ին հանդիպեց Երևանի պետական համալսարանի ժուռնալիստիկայի ֆակուլտետի ուսանողների հետ` պատասխանելով նրանց հուզող հարցերին, որոնք վերաբերում էին ամենատարբեր ոլորտներին:
Աննա Հակոբյանին ուսանողները նաև հայտնում էին տարբեր ոլորտներում առկա խնդիրների մասին:
Վարչապետի տիկինը նշեց, որ ուսանողները կարող են նաև օգտագործել մամուլի ուժը, և այդ խնդիրները ավելի արագ լուծում կստանան:
«Ցանկանում եմ հիշեցնել մամուլի ուժի մասին և բոլորին ուղղորդել դեպի մամուլ: Ցանկացած լրատվամիջոցի հայտնեք ձեր մտահոգությունները, ձեր ծրագիրը, և դա շատ ավելի արագ կհասնի պաշտոնյաներին»,- եզրափակեց Հակոբյանը:
