Երևանի քաղաքապետարանը ՀՀ գյուղատնտեսության նախարարության հետ համատեղ, արդեն ութերորդ տարին անընդմեջ, Երևանի Կասյան փողոցում շաբաթ և կիրակի օրերին կազմակերպում է գյուղատնտեսական մթերքների տոնավաճառ: Հայաստանի տարբեր մարզերի գյուղմթերք արտադրողներին տարածքները, տրամադրվել են անվճար, իսկ տաղավարների, վրանների, կշեռքների ու սայլակների տրամադրումն ապահովել է ՀՀ գյուղատնտեսության նախարարությունը:
«Առաջին լրատվական»-ը ևս շրջեց տոնավաճառում։ Մեզ հետ զրույցում գյուղացիները նշեցին, որ իրենց համար շատ կարևոր է սեփական ապրանքը քաղաքում վաճառելը։ Նրանք մտահոգություն հայտնեցին սուպերմարկետներում ավելի էժան գնով վաճառվող գյուղմթերքների պահով, քանի որ, ըստ նրանց, խոշոր տնտեսվարողները իրենց սննկացնելու քաղաքականություն են վարում, իսկ դաշտը մոնոպոլացվում է։
Մեզ հետ զրույցում շուկայում առևտուր անող սպառողներից մի քանիսը դժգոհեցին, որ շուկայում գյուղմթերքը թանկ է, իսկ նույն ապրանքը սուպերմարկետներում ավելի էժան կարող են գնել։
Մանրամասները՝ տեսանյութում
