Երևանում «Գյոթե կենտրոնը» հունիսի 3-ին՝ ժամը 17։00-ին, հրավիրում է ներկա գտնվել «Հանճարեղ դիլետանտներ»՝ ենթամշակույթ 1980-ականների Գերմանիայում» ցուցահանդեսի բացմանը։ 1981թ․ սեպտեմբերի 4-ին Բեռլինի Տեմպոդրոմում տեղի ունեցավ դիտավորյալ սխալ գրությամբ՝ Geniale Dilletanten («Հանճարեղ դիլետանտներ») խորագրով համերգը։ Այս անվանումն իրենով դարձավ Արևմտյան Գերմանիայում 1979-1989թթ․ կարճ ժամանակահատվածում արվեստի բեկումնային զարգացման հոմանիշը։ Այս ժամանակաշրջանում արվեստի բոլոր բնագավառներում արտիստները գտնում էին նոր ճանապարհներ իրենց համար և արտահայտման նոր ձևեր փնտրում։
Ժամը 18։00-ին բացառիկ ելույթ կունենա էլեկտրո և տեխնո երաժշտության ոլորտում հայտնի արտիստ LILLEVAN-ը, որը Եվրոպայում, Ասիայում և Հարավային ու Հյուսիսային Ամերիկաներում հայտնի անիմե, վիդեո և մեդիաարտիստ է և հատուկ ժամանել է Գերմանիայից՝ հետաքրքրվելով Հայաստանում վերջին զարգացումներով և հայ երիտասարդության ակտիվությամբ։ Նրա հետ զրուցելու աշխատանքներին ծանոթանալու բացառիկ հնարավորություն կընձեռնվի։
LILLEVAN-ը 1997 թվականին հիմնել է Rechenzentrum աուդիովիզուալ խումբը, որի հետ զուգահեռ՝ նա աշխատում է տարբեր արվեստագետների հետ ամենատարբեր ոլորտներում՝ սկսած օպերայից մինչև ինստալյացիաներ, մինիմալիստական էլեկտրոնային էքսպերիմենտալիզմից մինչև պար ու դասական երաժշտություն։
Նա աշխատանքը դիտարկում է որպես բազմաբովանդակ պրոցես, որի կենտրոնական սկզբունքը իմպրովիզն է։ Lillevan-ը հայտնի է ամբողջ աշխարհում և միջազգային մեդիափառատոնների մշտական հյուրերից է։ Նրա աշխատանքները ներկայացվել են Կասելի «Դոկումենտայում», Բեռլինի «Տրանսմեդիալեում», Զագրեբի Բիենալեում, Մոնրեալի Mutek փառատոնում, Իսպանիայի Centro De Arte Actual y Diseño in Gijon-ում, Լյուքսեմբուրգի Ֆիլհարմոնիայում, Ռոտերդամի էլեկտրոնային երաժշտության փառատոնում, Կրակովի Unsound Fest-ում։
