Գլենդելում անձնական տվյալների գողության ու կեղծ կրեդիտ քարտերի կիրառման կասկածանքով երեք տղամարդ է ձերբակալվել: Նրանք են՝ 32-ամյա հայազգի Լորիս Մասիհիապանոսյանը, 35-ամյա Ջոն Լատիոլիասը և 51-ամյա Մարկ Կունեոն: Այս մասին հայտնում է Glendale News Press-ը՝ հղում անելով տեղի ոստիկանությանը:
Նրանց հանցավոր գործունեությունը բացահայտվել էր Լատիոլիասի ձերբակալությունից հետո: Դա տեղի էր ունեցել այն բանից հետո, երբ նրա մեքենայի շարժիչի խցիկում հայտնաբերվել էին կրեդիտ քարտերի պատրաստման սարք ու կեղծ քարտեր:
Տղամարդկանց ազատ են արձակել մինչ հետաքննության ավարտը, որի արդյունքներով ի հայտ կբերվեն տուժածներ և կկազմվեն մեղադրանքներ:
Նշենք, որ ոստիկանները Լատոլիասի մեքենան կանգնեցրել էին այն բանից հետո, երբ նրան կասկածելի էին ոմն ենթադրյալ թմրամոլի հետ կապի մեջ: Կասկածները խորացրել էր նրա մեջքին նկատված ուսապարկը:
Շուտով պարզվել էր, որ նա անձնական տվյալների գողության համար գտնվում է պայմանական ազատազրկման մեջ, իսկ ուսապարկում եղել են գողացված կրեդիտ քարտերի մասին տվյալներ պարունակող փաստաթղթեր: Նրան անձնական տվյալների գողության մեջ մեղավոր էին ճանաչել դեռևս 2012-ի ապրիլին:
Ոստիկանները խուզարկել են նրա բնակարանը, որտեղ այդ պահին գտնվել են նրա երկու հանցակիցները:
