Շիրակի մարզի ընդհանուր իրավասության դատարանում Մարտին Սարոյանի նախագահությամբ սկսվում է Սուքիաս Գրիգորյանի գործի դատավարությունը:
Առաջադրված մեղադրանքի համաձայն՝ Շիրակ գյուղի 55-ամյա բնակիչ Սուքիաս Գրիգորյանը 2013 թվականի սեպտեմբերի 4-ին, ժամը 17-ից մինչև 21-ը Փոքր Սարիար գյուղում Մ. Գրիգորյանի տանը Ա. Կարախանյանի հետ ոգելից խմիչք է օգտագործել:
Տատիրոջ դուստրը պահանջել է, որ դադարեցնեն խմելը, ու Սուքիասն էլ հեռանա:
Վերջինս զայրացել է, սպառնացել, «ՎԱԶ 2121» ավտոմեքենայից հանել է հրազենն ու կրակել աղջկա ոտքերի տակ:
Սուքիաս Գրիգորյանին մեղադրանք է առաջադրվել ապօրինի հրազեն պահելու համար՝ ՀՀ քրեական օրենսգրքի 235 հոդվածի 1-ին մասով:
Սուքիաս Գրիգորյանի խափանման միջոցը կալանավորումն է:
