Ինչպես հայտնում է Deadline-ը, Դարեն Արոնոֆսկին նկարահանում է «Հոբգոբլին» սերիալի պիլոտային դրվագ: HBO ալիքի կողմից առաջարկվող նոր սերիալի մեջ մոգերի մի խումբ պայքարում է նացիստների դեմ Երկրորդ համաշխարհային պատերազմում: Բացի այն, որ Արոնոֆսկին նկարահանում է սերիալը, նա նաև Ջոն Լեշերի և Ադամ Կասսանի հետ հանդիսանում է ֆիլմի պրոդյուսերը:
Սցենարի վրա աշխատում են գրող Մայքլ Շեյբոն և նրա կինը՝ Էյլեթ Վալդմանը, որը նույնպես գրող է: Շեյբոն հայտնի է ոչ միայն «Փիթսբուրգի գաղտնիքները» և «Հրեա ոստիկանների միությունը» (որն, ի դեպ, ցանկանում են էկրանավորել Քոեն եղբայրները) նովելներով, այլև աշխատում է «Սարդ մարդ 2» ֆիլմի սցենարի վրա: Վալդմանն իր հերթին հանդիսանում է «Սերն ու այլ հանգամանքները» նովելի հեղինակը, որը նկարահանվել է 2010 թ.-ին (ֆիլմի գլխավոր դերում խաղացել է Նատալի Պորտմանը):
Արոնոֆսկին միակ հայտնի կինոգործիչը չէ, ով աշխատում է հեռուստանախագծերի վրա: Այսպես, Դեյվիդ Ֆինչերն աշխատում է «Թղթե տնակ» սերիալի վրա, որը մեծամասամբ հիմնված է Մայքլ Դոբսի նույնանուն նովելի վրա:
Բացի այդ, օսկարակիր Ահարոն Սորկին զբաղված է «Զարգացումների դեպքում կասենք ավելին» (More As This Story Develops) սերիալի նկարահանմամբ, որը պատմում է լրատվական ծառայության մասին:
