Սիրիայի և Աբխազիայի նախագահները պայմանավորվել են առաջիկա հանդիպման մասին։ Այս մասին հայտնել է Աբխազիայի ԱԳ նախարար Դաուր Կովեն՝ չնշելով Բաշար Ասադ-Ռաուլ Խաջիմբա հանդիպման հստակ օրը։
Դիվանագետը նշել է, որ հանդիպման շրջանակում կողմերը միջպետական համաձայնագիր կստորագրեն։
Կովեն հավելել է, որ Սիրիայի կողմից պետության անկախությունը ճանաչելը «Աբխազիայի համար մեծ նշանակություն ունի»։
Նախօրեին Սիրիան և Աբխազիան պայմանավորվել են փոխադարձ ճանաչման, ինչպես նաև դեսպանատների մակարդակով դիվանագիտական հարաբերություններ հաստատելու մասին։
