Կալիֆոռնիա նահանգի Վալենսիա քաղաքում տեղի ունեցած ավտովթարի վայրում, որտեղ մահացել է «Ֆորսաժ» ֆիլմի աստղ Փոլ Ուոքերը, կհավաքվեն ավելի քան 7 հազար մարդ: Դերասանի երկրպագուները հատուկ էջ են բացել Facebook սոցցանցում, որտեղ նշված են հանդիպման ժամն ու այլ տվյալներ` գրել է ITAR-TASS-ը:
Հիշեցնենք, որ հայտնի դերասանը մահացել է նոյեմբերի 30-ին: Մեքենայի ղեկին եղել է նրա ընկերը՝ 38-ամյա Ռոջեր Ռոդասը: Ականատեսների վկայությամբ` մեքենան սլացել է մեծ արագությամբ, կորցրել է կառավարումն ու բախվելով ծառին՝ այրվել: Փոլն ու ընկերը տեղում մահացել են:
Universal Pictures ստուդիան, որը Փոլի հետ համագործակցում է ավելի քան 14 տարի, դադարեցրել է «Ֆորսաժ» ֆիլմի նկարահանումները:
Դերասանի հուղարկավորության վայրի ու օրվա մասին առայժմ չի հաղորդվում:
