Սիրիան և Աբխազիան պայմանավորվել են փոխադարձ ճանաչման և դեսպանատների մակարդակով դիվանագիտական հարաբերությունների հաստատման շուրջ։ Այս մասին հաղորդել է Աբխազիայի նախագահ Ռաուլ Հաջիբան։
Նա նշել է, որ այս իրադարձությանը նախորդել է երկու երկրների ԱԳՆ–ների, ինչպես նաև Աբխազիայում Ռուսաստանի դեսպանատան մեծ աշխատանքը։
«Մենք բարձր ենք գնահատում Սիրիական Արաբական Հանրապետության ղեկավարության այս քայլը և համոզված ենք, որ մեր հարաբերությունները զարգանալու են փոխադարձ հարգանքի և համագործակցության ոգով։ Վստահ եմ, որ մոտ ժամանակներս սիրիական հողի վրա խաղաղություն կտիրի, իսկ նրա ժողովուրդը խաղաղ կյանքի կանցնի»,– նախագահի խոսքերն է մեջբերում նրա մամլո ծառայությունը։
