Անջելինա Ջոլին և Բրեդ Փիթը շատ ժամանակ են առանձին անցկացնում: Օրինակ՝ դերասանուհին այժմ Ավստրալիայում նկարահանում է իր նոր ֆիլմը, իսկ Փիթն այդ ժամանակ Անգլիայում նկարահանվում է «Զայրույթ» դրամայում:
Սակայն ընտանեկան տոների համար աստղերը թողնում են աշխատանքը և հավաքվում են մի տանիքի տակ: Լրագրողները պարզել են, որ դեկտեմբերի 18-ին իր 50-ամյակը նշելուց անմիջապես հետո դերասանը կմեկնի Աստրալիա՝ հարսնացուի մոտ, ով պատրաստվում է նրան ծննդյան օրվա կապակցությամբ սրտի տեսք ունեցող կղզի նվիրել:
Այնտեղ կհավաքվեն նաև զույգի երեխաները՝ Մեդոքսը, Պեքսը, Զահարան, Շայլոն, Վիվյենը և Նոքսը:
Զույգին մոտ կանգնած աղբյուրն ասում է, որ նրանք տոներն ավանդաբար տանից հեռու են նշում. անցած տարի զույգը Ծննդան տոներն անցկացրել է կարիբյան Փերրոթ Քեյ կղզում:
Մամուլը պատմում է, որ դերասաններն ամեն ինչ անում են, որ երեխաները որքան հնարավոր է շատ ժամանակ անցկացնեն իրենց հետ, այնպես որ նրանք մասնավոր ինքնաթիռով մեկ թռչում են հոր, մեկ՝ մոր մոտ:
