«Ինքը կադրային սպա է, ունի ռազմական շատ հարուստ կենսագրություն` թե տեսական, թե պրակտիկ և մենք հաջողություն ենք մաղթում այդ մարդուն, իսկ թե ինչպիսինն է լինելու նրա աշխատանքը` ցույց կտա ժամանակը», – «Առաջին լրատվական»-ի հետ զրույցում ասաց Արցախի Հանրապետության նախագահի մամուլի քարտուղար Դավիթ Բաբայանը` խոսելով գեներալ-մայոր Արտակ Դավթյանին Գլխավոր շտաբի պետ նշանակելու մասին։ Դավիթ Բաբայանը հույս հայտնեց, որ Արտակ Դավթյանը բարձր պատասխանատվություն կցուցաբերի այս կարևորագույն պաշտոնում։
Անդրադառնալով նաև Մովսես Հակոբյանին Գլխավոր շտաբի պետի պաշտոնից ազատելուն և Գլխավոր ռազմական տեսուչ նշանակելու վարչապետի որոշմանը, Դավիթ Բաբայանը նշեց. «Մովսես Հակոբյանը ունի հարուստ փորձ բանակաշինության ոլորտում և այս փոփոխությամբ նա դուրս չի մնում Զինված ուժերի շարքերից, քանի որ Գլխավոր ռազմական տեսուչը ևս կարևոր պաշտոն է։ Եթե Հայաստանի Հանրապետության ղեկավարությունն այսպես է որոշել, ուրեմն կան հիմքեր, որպեսզի Մովսես Հակոբյանը շարունակի աշխատանքը բանակաշինության գործում, իսկ մնացյալ բաները պետք է ավելի շուտ չքաղաքականացնել ամեն ինչ և հիմնվել միայն փաստերի վրա»։
Դավիթ Բաբայանի խոսքերով, եթե ամեն հարցում ոմանց փորձենք սարքել քավության նոխազներ և ամեն հարց բարդենք միայն մեկի վրա, ապա ոչ մի հարց լուծում չի ստանա։
Մանրամասները` տեսանյութում։
