Սերժ Սարգսյանի ու Հայաստանի դիրքերը ղարաբաղյան հարցում չթուլացնելու համար ԲՀԿ-ն ստորագրեց կոալիցիոն հուշագիրը: Միաժամանակ, վերջին շրջանում համառ լուրեր են տարածվում, որ աշնանը կամ հենց թեկուզ ընտրություններից առաջ «Բարգավաճ Հայաստան» կուսակցությունը դուրս է գալու կոալիցիայից և առանձին է մասնակցելու խորհրդարանական ընտրություններին:
Այսօր Գագիկ Ծառուկյանի մամլո խոսնակ Խաչիկ Գալստյանից հետաքրքրվեցինք, որ եթե հանկարծ Ղարաբաղի հարցը սրվի, «Բարգավաճը» հնարավո՞ր է դուրս չգա կոալիցիայից ու նույնիսկ հանուն Ղարաբաղի խորհրդարանական ընտրություններին ՀՀԿ հետ միասին մասնակցի. «Մենք մեր դիրքորոշումը արդեն հայտնել ենք, և այս պահի դրությամբ ես ոչինչ չեմ կարող ավելացնել: Մենք արդեն հայտարարել ենք, որ խորհրդարանական ընտրություններին միայնակ ենք մասնակցելու և այս պահին մեզ մոտ այլ տեսակետ չկա ու չի էլ քննարկվել:
Խորհրդարանական ընտրություններին մեր արդեն արված հայտարարությունը ներկա պահին ուժի մեջ է: Իսկ այս պահի դրությամբ ԲՀԿ-ն իր կոալիցիոն պարտականությունները հստակորեն և հետևողականորեն կատարում է»,- ասաց Ծառուկյանի մամլո խոսնակը: