«Կյանքի տարբեր բնագավառներում մենք չենք կարող մնալ նույն մակարդակի վրա։ Կյանքը զարգանում է փոփոխություններով։ Այնպիսի փոփոխություններով, որոնք դրական էֆեկտ են ստեղծում։ Ես կարծում եմ, որ այն փոփոխությունները, որոնք տեղի ունեցան, պետք է նպաստեն մեր երկրի զարգացման նոր փուլին»,- «Առաջին լրատվական»-ի հետ զրույցում ասաց Գիտությունների ազգային ակադեմիայի նախագահ Ռադիկ Մարտիրոսյանը՝ անդրադառնալով Հայաստանում տեղի ունեցած իշխանափոխությանը։
Մեր դիտարկմանը՝ թե ողջունո՞ւմ է իշխանափոխությունը, Մարտիրոսյանը պատասխանեց. «Իհարկե, այն փոփոխությունը, որը պետք է նպաստի մեր զարգացմանը, բոլոր դեպքերում միշտ էլ պետք է ողջունենք դրանք»։
Ռադիկ Մարտիրոսյանը մեզ հետ զրույցում պնդեց նաև, որ բուհերը, կրթական ու գիտական հաստատությունները պետք է ապաքաղաքական լինեն։ Նախկինում էլ օրենքով, համալսարանական կանոնադրությամբ ամրագրված էր, որ բարձրագույն կրթությունը պետք է զերծ լինի քաղաքական ու կրոնական քարոզչությունից, և հիմա պետք է հետևողական լինել, որ օրենքը գործի։ «Ես կողմնակից եմ, որ համալսարանների գիտխորհուրդների, հոգաբարձուների խորհրդի նախագահը լինի տվյալ ոլորտի ազդեցիկ դեմք, որը ավելի ծանոթ կլինի որոլրտին։
Ռադիկ Մարտիրոսյանից նաև հետաքրքրվեցինք՝ չի պատրաստվում հրաժարվել ԳԱԱ նախագահի պաշտոնից, քանի որ ընտրվել է խախտումներով և բացառապես Սերժ Սարգսյանի հովանավորությունը վայելելու արդյունքում։
Առավել մանրամասն՝ տեսանյութում։
