Թուրքական ընդդիմադիր «Ժողովրդի փրկության կուսակցություն»-ը երկրի Գերագույն ընտրական խորհրդից պահանջում է չեղարկել նոր նախագահական ընտրություններում գործող նախագահ Ռեջեփ Թայիփ Էրդողանի թեկնածությունը։ Այս մասին գրում է թուրքական diken.com.tr կայքը։
Ընդդիմադիր կուսակցությունը պնդում է, որ Էրդողանը չի կարող մասնակցել ընտրություններին՝ պահանջի հիմք համարելով այն, որ նախագահի համալսարանական դիպլոմը կեղծ է։
Պահանջին կից ներկայացված է մանրամասն զեկույց, որտեղ դիմող կողմը ներկայացրել է որոշակի ապացույցներ՝ եզրակացնելով, որ Էրդողանի համալսարանական դիպլոմը գնված է և որ նա երբևէ չի սովորել Ստամբուլի Մամարայի համալսարանում։
