Վրաստանի նախագահ Գեորգի Մարգվելաշվիլիի աշխատավարձը կրկնակի բարձրացրել են, և այժմ նա ամսական կստանա 9000 լարի (շուրջ 5000 դոլար)՝ 4500-ի փոխարեն՝ հաղորդում է Interfax-ը:
Ինչպես լրագրողներին հայտարարել է Վրաստանի ֆինանսների նախարար Նոդար Խադուրին, ի տարբերություն նախորդ նախագահ Միխեիլ Սաակաշվիլիի, ամսական աշխատավարձը կլինի նոր նախագահի եկամտի միակ աղբյուրը:
«Նախատեսվում են զգալի փոփոխություններ նախագահական աշխատակազմում, այդ թվում՝ աշխատակիցների կրճատում, այդ պատճառով ռեսուրսը կբավարարի արված աշխատանքի դիմաց վարձատրելու համար»,- ասել է Խադուրին:
Նա նշել է, որ ամսական աշխատավարձից Մարգվելաշվիլին առձեռն կստանա շուրջ 4023 դոլար:
