Հանրապետական կուսակցությունը խոստանում է չխանգարել Նիկոլ Փաշինյանի կառավարությանը։ Իհարկե, կարելի է կասկածել այդ խոստման ազնվությանը, բայց այս պահին դա այդքան էլ էական չէ, եթե անգամ հանրապետականների հավաստիացումները զուտ մարտավարական հնարք են, թելադրված ներքաղաքական ներկայիս շրջափուլով։
Հավանաբար ոչ միայն հանրապետականները, շատերն են սպասում ՝ երբ կհանդարտվի հեղափոխության առաջին ալիքը, որից հետո միայն հնարավոր կլինի չափել և նոր իշխանության դիրքերը, և ընդդիմության հակահարձակման պոտենցիալը։
Հայաստանը ներկայումս հեղափոխական անցման փուլում է և այդ տեսանկյունից իրավիճակը զարգանում է բնականոն ընթացքով, որը առերևույթ բավականին ռիսկային ու վտանգավոր է կառավարելիության տեսանկյունից, խորքային առումով, սակայն, ունի գրեթե իդեալական կայունություն և կառավարելիություն: Նույնիսկ ամբողջ աշխարհն է մատնանշում Հայաստանում տեղի ունեցող հեղափոխության օրինակելի, ոչ բռնի, անցնցում բնույթը: Թեմայի շուրջ զրուցել ենք ՏՏ ոլորտի մասնագետ Էդգար Առաքելյանի, ԳԽ պատգամավոր Ազատ Արշակյանի և ԱԺ նախկին պատգամավոր Էլինար Վարդանյանի հետ:
