Հյուսիսային Կարոլինայի Ուինգեյթ համալսարանի ուսանողական հանրակացարանի մուտքի մոտ դեկտեմբերի 4-ին տեղի է ունեցել հրաձգություն: Այս մասին հայտնում է WBTV հեռուստաալիքը՝ հղում անելով ոստիկանությանը: Միջադեպի հետևանքով զոհվել է 2 մարդ, ևս 1-ը՝ վիրավորվել: Տուժածին հոսպիտալացրել են: Նրա վիճակի մասին չի հաղորդվում:
Դեպքը տեղի է ունեցել տեղի ժամանակով ժամը 18.00-ին (Երևանի ժամանակով՝ ժ. 3.00-ին, դեկտեմբերի 5):
Ուսումնական հաստատությունում ներմուծվել է արգելափակման ռեժիմ. ուսանողներին խնդրել են վերադառնալ հաստատություն, փակել դռներն ու պատուհանները, անջատել լույսերը, իսկ բջջայինները փոխել անձայն ռեժիմի:
Հրաձգության հանգամանքների, ինչպես նաև տուժածների ինքնության մասին տեղեկություններ չկան:
Ամերիկյան դպրոցներում ու համալսարաններում հրազենի կիրառմամբ միջադեպերը բորբոքում են հրազենի տարածման վրա վերահսկողության ուժեղացման անհրաժեշտության քննարկումները:
