Կալիֆոռնիայում աճուրդի են դրվել իրեր, որոնք կապված են «Մատանիների տիրակալը» կինոեռապատումի ստեղծման պատմության հետ:
Ինչպես հայտնում է The Daily Telegraph-ը, լոտերից մեկը արհեստական ոտնաթաթերն են, որոնք կրել է Շոն Էսթինը՝ Սեմուայզ Գեմջի անունով հոբիթի դերակատարը:
Հոբիթի ոտքերը ներկված են այնպես, որ դրանք թվան կեղտոտ: Բացի այդ՝ դրանք պատված են արհեստական մազերով:
Սպասվում է, որ Սեմի ոտնաթաթերը Julien’s Auction աճուրդի տան կազմակերպիչներին կբերեն 15-30 հազար դոլար: Աճուրդում ներկայացված են նաև Սեմի ականջները, որոնք նախատեսվում է վաճառել 5-8 հազար դոլարով:
