Փաշինյան-Պուտին հանդիպումը բավականին լայն տարածք է բացում հայ-ռուսական հարաբերությունները Հայաստանի նոր կառավարության օրակարգում պատկերացնելու համար։ Նախ նկատենք, Հայաստանի նոր ղեկավարի առաջին միջազգային այցը Սոչի աննախադեպ ջերմ ընդունելությամբ է ուղեկցվում հայկական համայնքի կողմից։
Ավելին, այդ հանդիպումը՝ իր պատկերով ու բովանդակությամբ, ստանում է քաղաքական բավականին շոշափելի նշանակություն, որովհետև ԵՏՄ նախագահների, այդ թվում ՌԴ նախագահի հետ խոսելուց առաջ ակնառու է դառնում, թե ինչպես է Հայաստանի նոր վարչապետը հանգիստ ու հեշտ խոսում ոչ միայն Հայաստանի քաղաքացիների հետ, այլ նաև Ռուսաստանում ապրող հայերի, որոնց մեծ մասը նաև Հայաստանից է հեռացել այն պատճառով, որ չի եղել երկխոսություն իշխանության ու քաղաքացիների միջև՝ այդ բառի լայն իմաստով:
Հանդիպմանը նախորդած մի հանգամանք էլ․ «Ռոսնեֆտ»-ի փոխնախագահ Միխայիլ Լեոնտևը ՀՀ վարչապետ Նիկոլ Փաշինյանին հղված նամակով ներողություն է խնդրել իր ոչ պատշաճ մեկնաբանության համար։ Ի դեպ, սա առաջին դեպքն է, երբ ռուսական փորձագիտական կամ պաշտոնական շրջանակներից ներողություն է հնչում Հայաստանի ու հայերի հասցեին: Ու այնքան էլ էական չէ, թե որն է Լեոնտևի մեղայականի իրական մոտիվը, որովհետև, բոլոր դեպքերում, դա հետևանք է այն նոր իրողությունների, որոնք արդյունք են թավշյա հեղափոխության: Թեմայի շուրջ «Առաջին լրատվական»-ը զրուցել է քաղտեխնոլոգ Կարեն Քոչարյանի, ՀՀ արտակարգ և լիազոր դեսպան Արման Նավասարդյանի և
«Էմ Փի ՋԻ» խորհրդատվական ընկերության տնօրեն Արամ Նավասարդյանի հետ:
