Մայիսի 13-ին բրազիլական Սուզանուում ատրճանակով զինված տղամարդը փորձել է կողոպտել ծնողներին, որոնք Մայրերի օրվան նվիրված տոնակատարությանը երեխաների հետ հավաքվել էին դպրոցի մոտ: Ինչպես հաղորդում է «Ֆրազի» ամսագիրը՝ մայրերից մեկը զինված է եղել և կրակ է բացել հանցագործի վրա.
Տեղի «Regional Press Oficial» youtube-ալիքը համացանցում տեղադրել է տեսախցիկների տեսանյութը, որը արձանագրել է զինված հարձակումը: Կադրերում երևում է, թե ինչպես է երիտասարդ տղամարդը, ատրճանակը պահելով ծնողների և երեխաների խմբի վրա, պահանջում իրեն հանձնել թանկարժեք իրերը:
Աղջիկներից մեկի մայրը հանել է իր ատրճանակը և երեք անգամ կրակել հարձակվողին: Հանցագործը հասցրել է կատարել երկու պատասխան կրակոց, սակայն վրիպել է, և մեծահասակներից և երեխաներից ոչ մեկը չի տուժել: Ավելի ուշ վիրավորված 18-ամյա տղամարդը մահացել է հիվանդանոցում:
Կինը գործել է՝ ինչպես պրոֆեսիոնալ ոստիկան: ԶԼՄ-ների տվյալներով՝ նա իսկապես եղել է ոստիկանության աշխատակից և արդեն տվել է անհրաժեշտ ցուցմունքներ:
