«Առաջին լրատվական»- ի զրուցակիցն է փաստաբան Նորայր Նորիկյանը:
–Պարոն Նորիկյան, Ձեր առաջին տպավորությունը «Սասնա ծռերի» վերաբերյալ դատարանի որոշման և այն պահանջների մասին, որ «Սասնա ծռերի» աջակիցների կողմից հնչում են փողոցում:
-Հարցը ակտուալ է: Այսօր ևս մեկ անգամ հավաստվեց, որ «Սասնա ծռերի» դատավարությունն իսկապես ՀՀ քաղաքական օրակարգում գտնվում է առաջնային հարցերի շարքում: Որպես փաստաբան՝ ես տրամաբանական եմ համարում պաշտպաննների կողմից ներկայացված միջնորդությունները խափանման միջոցը փոփոխելու վերաբերյալ: Նաև սպասելի եմ համարում դատարանի որոշումը, որովհետև բոլորն այսօր սպասողական վիճակի մեջ են, փորձում են հասկանալ, թե ինչպիսի իրականության մեջ է հայտնվել Հայաստանը վերջին իրադարձություններից հետո, բայց ես կարծում եմ, որ բոլոր դեպքերում «Սասնա ծռերի» խնդիրը պետք է լուծվի համընդհանուր իրավական ընթացակարգերով սահմանված կարգով: Մեր ժողովուրդը պետք է շատ հստակ գիտակցի, որ Նիկոլ Փաշինյանից չպետք է կերտել Լյուդովիկոս 14-րդ: Նիկոլ Փաշինյանի իրավունքները ՀՀ Սահամանդրությամբ և օրենսդրությամբ ամրագրված են: Վերջին օրերի ընթացքում ինքն էլ է այդ մասին հրապարակավ հայտարարում, որ չպետք է ակնկալել, որ ինքը կստանձնի դատավորի, դատախազի, քննիչի դեր: Դա շատ ճիշտ, տրամաբանված մոտեցում է: Այո՛, ես գտնում եմ, որ ՀՀ իշխանությունները պետք է ստեղծեն այնպիսի միջավայր, որ հստակ իրավական գնահատականներով, դատարանի միջոցով լուծում տրվի «Սասնա ծռեր» խմբավորման անդամներից յուրաքանչյուրի գործերին: Այդ պայմաններում մենք կհամարենք, որ իսկապես հիմք է դրվում արդար դատական համակարգի:
Հարցազրույցն ամբողջությամբ՝ տեսանյութում:
