«Հայաստանը թավշյա հեղափոխությունից հետո» թեմայով ՄԱՀՀԻ քննարկմանը քաղաքական վերլուծաբան Ռուբեն Մեհրաբյանը Նիկոլ Փաշինյանի կառավարության առաջնային քայլը համարում է այս խորհրդարանական մեծամասնություն կոչված թյուրիմացության վերացումը մեր պետականության հետագա ընթացքի ճանապարհից:
«Ամոթ է և սպիտակած մազերով մարդու համար ուղղակի սազական չէ, որ մայիսի 9-ի կապակցությամբ նա ուղերձ է հղում Արցախի և ՀՀ նախագահներին՝ չնշելով ՀՀ վարչապետի անունը»,- ասաց Ռուբեն Մեհրաբյանը:
Նրա խոսքով՝ լեգիտիմության այլ աղբյուր չկա, քան հանրային ճնշման շարունակականությունը:
Անդրադառնալով արտաքին քաղաքականությանը՝ բանախոսն ասաց. «Նիկոլ Փաշինյանը երեկ շատ կարևոր հայտարարություն արեց՝ որ Ղարաբաղյան բանակցություններում այսուհետ Հայաստանը ներկայացնելու է միայն ինքն իրեն: Պարոն Փաշինյանը ուղղակի շուռ տվեց այն պարադիգման, որի մեջ մենք ապրել ենք 20 տարի, որի վրա հիմնված էր 98 թվականի հեղաշրջումը»:
Մանրամասները՝ տեսանյութում: