Այսօր՝ մայիսի 8-ին, ԱԺ-ում իրավունքի ուժով գումարվել է հատուկ նիստ՝ քննարկելու ՀՀ վարչապետի պաշտոնում Նիկոլ Փաշինյանի ընտրության հարցը:
«Այսօր հիրավի պատմական օր է, և սկսվում են անշրջելի փոփոխություններ»,- իր ելույթում հայտարարեց Էդմոն Մարուքյանը՝ հավելելով, որ տխրության և անորոշության մթնոլորտը միայն Ազգային ժողովի շենքում է:
Էդմոն Մարուքյանը կարծում է, որ բոլորը պետք է ուրախանան՝ անկախ կուսակցական պատկանելությունից և քաղաքական հայացքներից. «Որովհետև վերջապես Հայաստանում գալիս է փոփոխությունների ժամանակը»:
Ինչպես նշեց Էդմոն Մարուքյանը՝ եղած համակարգը փտել է բոլոր իմաստներով՝ ֆիզիկապես, բարոյապես, արժեքային իմաստով. «Համակարգը քանդվել է, ժողովուրդ, և հիմա հնարավորություն ունենք կառուցելու նորը»:
Նա վստահեցրեց, որ ՀՀԿ-ի փորձերը՝ խանգարելու նոր կառավարությանն իր ծրագրերն իրականացնելու գործում, անհնար են լինելու. «Ես «Ելք» խմբակցության անունից հայտարարում եմ, որ մենք կանգնած ենք հեղափոխության թիկունքում»:
Մանրամասները՝ տեսանյութում:
