«Ազատ դեմոկրատները» քաղաքական դաշտում իրավիճակ փոխելու շանսեր, կարելի է ասել, չունեն, որովհետև թափ առնելու տարածությունը բավականին փոքր է: Այս մասին մեզ հետ զրույցում նշեց «Սոցիոմետր» ՀԿ նախագահ, սոցիոլոգ Ահարոն Ադիբեկյանը: «Եթե ամառվա ամիսները հանենք, մնում է աշունը, և մտնում ենք նախընտրական պայքարի մեջ: Իսկ հանրային կարծիքի վրա դուրս գալու համար առնվազն երկու տարվա աշխատանք է անհրաժեշտ, ոչ թե կես տարվա:
Այստեղ նաև լուրջ ֆինանսական ռեսուրսներ են անհրաժեշտ: Ես չգիտեմ, «Ազատ դեմոկրատները» ունե՞ն այդ ռեսուրսները, խմբերը, միջոցները, մարզային կառույցները, ԶԼՄ-ները, թե՞ ոչ:
Չնայած, եթե ունենային էլ, մեկ տարին փոքր ժամանակահատված է: Այ, եթե մեկ տարի առաջ սկսեին, կարծում եմ, որ ռեսուրսների առկայության դեպքում կարող էին մի բանի հասնել»,- ավելացրեց Ահարոն Ադիբեկյանը: