Մարդկային տեսակը վարազի ու շիմպանզեի էգի խաչասերման արդյունք է: Նման ենթադրության է եկել ժամանակակից ամենահայտնի գենետիկներից մեկը:
Սենսացիոն հայտարարությունն իրականացվել է Ջորջիա նահանգի համալսարանից Յուջին Մաքքարթիի կողմից, ով կենդանիների հիբրիդացման համաշխարհային մակարդակի առաջատար մասնագետներից մեկն է:
Նա նշում է, որ այն դեպքում, երբ մարդիկ շատ նման գծեր ունեն շիմպանզեների հետ, մարդկային գենոտիպը բազմաթիվ գծեր ունի, որոնք առկա չեն մյուսների մոտ: Բժիշկ Մաքքարթին ասում է, որ այդ բնութագրերն, ամենայն հավանականությամբ, տարբեր տեսակների խաչասերման արդյունք են: Ավելին, նա համարում է, որ կենդանիներից մեկն ունի այն բոլոր հատկանիշները, որոնցով մենք տարբերվում ենք շիմպանզեներից: Նա կարծում է, որ այդ կենդանին սովորական խոզն է:
Դոկտոր Մաքքարթին զարգացնում է իր արտասովոր տեսությունն այն հոդվածում, որի վրա աշխատում է: Գենետիկն ամեն կերպ փորձում է ապացուցել, որ դա շատ հավանական տեսություն է:
Գիտնականները ներկա դրությամբ ենթադրում են, որ շիմպանզեները մարդկային տեսակին ամենամոտ կանգնած կենդանիներն են: Այս տեսությունը հաստատվել է գենետիկական փաստերով: Սակայն, ինչպես նշում է Մաքքարթին, չնայած այդ գենետիկական նմանություններին, կան մի շարք անատոմիական հանգամանքներ, որոնցով տարբերվում են այդ երկու տեսակները: Այդ բնութագրիչների մեջ մտնում են մերկ մաշկը, մաշկի տակ գտնվող հաստ շերտով ճարպը, բաց գույնի աչքերը, դուրս եկած քիթը և ծանր կոպերը:
Մաքքարթին ասում է, որ մարդը կարող է լինել խոզերի ու շիմպանզեների մի քանի սերունդների հաջորդական խաչասերման արդյունք, քանի որ նա ավելի շատ շիմպանզեի է նման, քան խոզի:
