Բրանդենբուրգցի երեխան, որը ծննդյան օրվանից գտնվում է վեգետատիվ վիճակում, կարող է կորցնել իր լավագույն ընկերոջը՝ ստաֆորդշիրյան տերիերին: Քաղաքային իշխանությունները շանը վտանգավոր են համարել այն բանից հետո, երբ նա կռվել է մեկ այլ շան հետ, ու պնդում են, որ շանը հարկավոր է վերցնել տերերից:
Մինչ այդ, աշխարհի տարբեր երկրներից ավելի քան 100 հազար մարդ համացանցում արշավ են սկսել՝ պահանջելով չբաժանել հիվանդ տղային կենդանուց, գրում է russian.rt.com-ը:
Փոքրիկ Դիլանին միացված է արհեստական շնչառություն, սակայն նա երբեմն բացում է աչքերը:
«Երբ Տաշան (շունը) պառկած է նրա կողքին, Դիլանը անհամեմատ ավելի հանգիստ վիճակում է լինում, նրա պուլսն ու շնչառությունը կարգավորվում են»,- The Local-ը մեջբերում է երեխայի հոր խոսքերը:
Հերցմելները շանը գնել էին Բեռլինում՝ առանց իմանալու, թե ինչ ցեղատեսակի է շունը: Մի քանի տարի հետո ընտանիքը Բեռլինից տեղափոխվել է Բրանդենբուգ, որտեղ էլ սկսվել է նրանց դժոխային կյանքը:
Տաշան կռվել է հարևանի հետ ու վնասել նրան: Բողոքներից հետո քաղաքային իշխանությունները կենդանուն վտանգավոր են համարել, ինչը նշանակում է, որ նրան պետք է խլեն ընտանիքից ու հանձնեն հատուկ ապաստան, իսկ հետագայում հնարավոր է նաև քնեցնեն:
Այն բանից հետո, երբ պատմությունը հայտնվեց տեղի թերթերից մեկում, բլոգերները սկսեցին ակտիվ արշավ համացանցում՝ ի պաշտպանություն կենդանու:
Facebook-ում Դիլանի ու Տաշի էջին արդեն like է արել 106 հազար մարդ: Ներկայումս ընտանիքը հուսով է՝ հիվանդ երեխայի շան ճակատագիրը այլ ընթացք կստանա:
