Վրաստանն ու Ադրբեջանը նախատեսում են ստեղծել առաջին համատեղ սահմանային անցակետը՝ «Մեկ գոտի՝ մեկ ճանապարհ» նախաձեռնության շրջանակներում: Այս մասին հայտարարել է Վրաստանի ֆինանսների նախարար Մամուկա Բախտաձեն՝ Ասիական բանկի տնօրենների խորհրդի 51-րդ տարեկան հանդիպմանը՝ իր ելույթի ժամանակ:
«Վրաստանը լիովին աջակցում է Ասիական զարգացման բանկի հայեցակարգին, որը վերաբերում է առանց արգելքների առևտրին: Հենց այս տեսանկյունից էլ մենք, Ադրբեջանի հետ համատեղ, դիտարկում ենք առաջին համատեղ սահմանային անցակետի կառուցման հնարավորությունը»,- հայտարարել է Բախտաձեն: Նախագծի հետ կապված այլ մանրամասներ նախարարը չի հաղորդել: