Թեհրանն ու «վեցյակի» երկրների ներկայացուցիչները հաջորդ շաբաթ կքննարկեն ավելի վաղ Ժնևում ստորագրված միջուկային խնդրի հարցով համաձայնագրի իրագործման մանրամասները՝ շաբաթ օրն ասել է Իրանի ԱԳՆ ղեկավարի տեղակալ Աբաս Արաքչին՝ փոխանցում է Press TV հեռուստաալիքը:
«Ըստ համաձայնագրի, որը մենք կնքել ենք Ժնևում, երկու կողմերը պետք է մի քանի շաբաթում պատրաստվեն առաջին փուլի իրագործմանը»,- ասել է նա:
Նրա խոսքով՝ ԵՄ-ին և ԱՄՆ-ին ժամանակ է պետք Թեհրանի նկատմամբ «պատժամիջոցների կանոնները փոխելու համար», իսկ Թեհրանին և Ատոմային էներգիայի միջազգային գործակալությանը ժամանակ է պետք համաձայնագրի իրագործման անհրաժեշտ մեխանիզմները մշակելու համար:
Գործարքի իրագործման ցանկացած ուշացում կլինի միայն «տեխնիկական և կատարողական» խնդիրների պատճառով՝ հավելել է Արաքչին:
