Ժնևում միջուկային ծրագրի հարցով բանակցությունների վերջին փուլում Իրանն ինքը կորոշի ուրանի հարստացման ծավալն ու ձևը: Իրանական Mehr տեղեկատվական գործակալության փոխանցմամբ՝ այս մասին հայտնել է Իրանի ԱԳ նախարար Մոհամմադ Ջավադ Զարիֆը:
Նախարարի խոսքով՝ Ժնևում ձեռք բերված համաձայնությունը այդ ուղղությամբ գործունեության ճանապարհային քարտեզ է և կողմերին մոտեցնում է վերջին փուլին:
«Ամենագլխավոր հարցերից մեկն այն է, որ քննարկումների ավարտից հետո Իրանի միջուկային ծրագիրը ունենա այնպիսի կարգավիճակ, ինչպիսին ունեն այլ երկրների միջուկային ծրագրերը, օրինակ՝ Ճապոնիայի»,- ընդգծել է Զարիֆը:
Նրա խոսքով՝ առայժմ չկա համաձայնություն, թե ինչպես և ինչպիսի սահմաններում կտարվի ուրանի հարստացումը:
Թեհրանն ու միջազգային «վեցյակը» նոյեմբերի 24-ին համաձայնություն են կնքել, ըստ որի՝ Իրանը կկրճատի աշխատանքները միջուկային ծրագրի շրջանականերում, իսկ երկրի նկատմամաբ տնտեսական պատժամիջոցները կմեղմացվեն:
Զարիֆի խոսքով՝ առայժմ համաձայնեցված չէ, թե ինչպես և ինչ շրջանակներում կանցկացվի ուրանի հարստացումը:
