Ճապոնացի տղամարդը, ով բժիշկների սխալի պատճառով օտար ընտանիքում է մեծացել, դատի է տվել հիվանդանոցին, որովհետև ինքը մեծացել է աղքատության մեջ այն դեպքում, երբ իր իսկական ծնողները հարուստ են եղել:
60-ամյա տղամարդը, որի անունը չի հրապարակվում, խոստովանել է, որ կուզենար հետ տալ իր կյանքը այն բանից հետո, երբ իմացել է, որ իր հարազատ եղբայրները վայելել են շքեղ կյանքը: Տղամարդուն մեծացրել է մայրը, որը շատ է աշխատել ամուսնու մահից հետո ամեն՝ կերպ ջանալով կերակրել իր երեխաներին:
Տղամարդը շատ դժվարություններ է տեսել, ներկայումս բեռնատարի վարորդ է: Տոկիոյի շրջանային դատարանը հիվանդանոցին պարտադրել է 1953-ին թույլ տված սխալի համար վճարել 400 000 դոլար փոխհատուցում: Տուժած ճանաչված տղամարդուն նորածին ժամանակ շփոթել են իրենից 13 րոպե ուշ ծնված տղայի հետ:
Եթե տղամարդուն ճիշտ ընտանիքին հանձնեին, նա կլիներ հարուստ ընտանիքի 4 տղաներից մեծը: Փոխարենը՝ նա կրթություն ստացել է երեկոյան դպրոցում, քանի որ ցերեկն աշխատել է:
Կնոջ մասին, որը նրան մեծացրել է, նա ասել է. «Երբեմն ինձ թվում էր, թե նա ծնվել է դժվարություններին դիմակայելու համար»:
Հիմա աղքատ ու հարուստ ընտանիքներում մեծացած եղբայրները շատ են շփվում՝ փորձելով լրացնել բաց թողած ժամանակը, հայտնում է Mail Online-ը:
