Արքայական ընտանիքը որոշել է հեռացնել դքսուհի Քեթրինի հարսանիքի ոճաբան Ջեյմս Փրայսին այն բանից հետո, երբ վերջինս որոշել է Քեյթի անունն օգտագործելով՝ իրեն գովազդել, հայտնում է spletnik.ru-ն:
Քեթրինն իր դիզայների ծառայություններից օգտվել է 8 տարի: Հենց նա է աշխատել դքսուհու նշանադրության և հարսանեկան հագուստների վրա:
Դիզայները համացանցում տեղադրել է Քեթրինի լուսանկարները՝ իր ծառայությունները գովազդելու նպատակով, հայտնում է spletnik.ru-ն:
Սկզբում Փրայսն աշխատել է Ռիչարդ Վորդի Richard Ward Salon գեղեցկության սրահում, սակայն հետո սկսել է առաջարկել իր անհատական ծառայությունները:
Ներքին աղբյուրները հայտնում են, որ դքսուհին շարունակում է օգտվել այդ սրահի ծառայություններից, սակայն Ջեյմսն ընդմիշտ «սև ցուցակում» է:
Քեթրինը հաջորդ տարի Ավստրալիայով ճամփորդության շրջանակներում կօգտվի արքայադուստր Դիանայի նախկին ոճաբան Ջո Բեյլիի ծառայություններից:
