Երիտասարդ մուսուլման կինը, ով ապրում է Ֆրանսիայում, դիմել է Մարդու իրավունքների եվրոպական դատարան՝ պահանջելով հասարակական վայրերում փարաջա կրելու արգելքն անօրինական ճանաչել, հայտնում է BBC-ի ռուսական ծառայությունը:
Նրա խոսքով՝ փարաջա կրելն անքակտելիորեն կապված է իր կրոնական հայացքների և այն մշակույթի հետ, որում նա մեծացել է:
Կնոջ պնդմամբ՝ փարաջա կրելն իր անձնական ընտրությունն է և թելադրված չէ ընտանիքի պահանջով: Հասարակական վայրերում փարաջա կրելն արգելող օրինագիծը Ֆրանսիայում ընդունվել է 2011-ին:
Եվրոպայի մյուս երկրների համեմատ՝ Ֆրանսիայում ապրում են ամենաշատ մուսուլմանները՝ մոտ 5 մլն:
