Թուրքիայի ոստիկանությունը «օրենքով գող» Գիա Քութաիսցու սպանության հետաքննության շրջանակներում Հայաստանի քաղաքացիների է ձերբակալել՝ գրում է Hurriyet-ը:
Մասնավորապես ձերբակալվել է «օրենքով գող» Գիգա Պետրիաշվիլին՝ Պրոֆեսոր մականվամբ, ով Քութաիսցու սպանության պահին եղել է նրա կողքին, ձերբակալվել են ևս հինգ մարդ՝ Հայաստանի, Վրաստանի, Ռուսաստանի քաղաքացիներ: Նրանց անունները թերթը չի հրապարակում:
Հիշեցնենք, որ «օրենքով գող» Գիա Քութաիսցին սպանվել է ապրիլի 8-ին Ստամբուլում: Նրան ուղեկցող Պրոֆեսորը վիրավորվել է ոտքից: Գիա Քութաիսցու սպանության պատճառը, նախնական տվյալներով, կարող էր լինել ՌԴ Ռոստովի մարզում ազդեցություն հաստատելու համար երկու կլանների միջև մղվող պայքարը։ Այս պահին համարվում է, որ մարզը «օրենքով գող» Նոդար Ուսոյանի ենթակայության տակ է (Նոդար Ռուստավսկին)։ Այնուամենայնիվ, սպանված Գիա Քութաիսցին, ինչպես նաև նրա համախոհ Գոչա Ալփաիձեն (Ալֆասոն) փորձում էին Ռոստովի մարզում առաջ քաշել իրենց դրածոյին` Արթուր Աթաբեկյանին, որը հայտնի է Արթուր Մոլոդոյ անունով։
