Լոնդոնյան թանգարանում հայտնաբերվել է անգլիացի ռոմանտիկ նկարիչ Ջոն Կոնստեբլի նախկինում անհայտ էսքիզը, որն արվել է մոտ 200 տարի առաջ: Այս մասին հայտնում է BBC-ն:
Յուղաներկով նկարված կտավը թաքնված է եղել վարպետի մեկ այլ նկարի հետևում: Էսքիզում պատկերված է ծառաշատ լանդշաֆտ՝ անձրևային ամպերի ֆոնին:
Ինչպես նշում է BBC-ի թղթակիցը, նկարիչն աչքի է ընկել խնայողությամբ և հաճախ կտավի հակառակ կողմը կիրառել է սևագրերի և ուրվագծերի համար:
Էսքիզը հանրությանը կցուցադրվի այսօր Վիկտորյայի և Ալբերտի թանգարանում:






































