Այսօր՝ ապրիլի 10-ին, Ազգային ժողովը սկսել է 6-րդ գումարման 3-րդ նստաշրջանի աշխատանքները:
Ազգային ժողովում քննարկվում է ՀՀ-ԵՄ համապարփակ և ընդլայնված գործընկերության համաձայնագիրը վավերացնելու հարցը:
«Կխնդրեմ իմ որոշ գործընկերների սեփական կամ ֆրակցիայի տեսակետը չշփոթել հանձնաժողովի անունից եզրափակիչ ելույթի հետ: Որպեսզի հասկանաք տարբերությունը, լսեք ձեր առաջին ելույթը, որը հանձնաժողովի անունից էր, իսկ վերջին ելույթը քաղաքական էր: Եթե խոսում ենք եվրոպական և ասիական մշակույթների մասին, սկսենք ինքներս մեզանից»,- հայտարարեց ԱԺ արտաքին հարաբերությունների հանձնաժողովի նախագահ Արմեն Աշոտյանը՝ ընդդիմադիրներին կոչ անելով ամբիոնից անիմաստ և հանիրավի ձայն չբարձրացնել:
Նրա խոսքով՝ Եվրոպան սկսվում և ավարտվում է ոչ թե քարտեզով, այլ մտածելակերպով. «Իսկ ողնաշար կարող է կոտրվել ցանկացած շինարարության ժամանակ, այդ թվում նաև՝ պետական շինարարության: Կկոտրենք ողնաշարը, չասենք՝ ում, ով և ինչը կխանգարի»:
Մանրամասները՝ տեսանյութում:
