Կրիշտիանու Ռոնալդուի ընկերուհին առաջ է անցել Վերա Բրեժնևայից Maxim ամսագրի «թեժ տասնյակում», գրում է eg.ru-ն:
Տղամարդկանց ամսագիրը հրապարակել է իր ամենամյա վարկանշային «Երկրի 100 ամենասեքսուալ կանայք-2013» աղյուսակը: Իրինա Շեյկը այս տարի գրավել է աղյուսակում առաջին տեղը, իսկ Վերա Բրեժնևան վարկանշային աղյուսակը գլխավորել է 2012-ին: Այս տարի երգչուհին հայտնվել է աղյուսակի 2-րդ հորիզոնականում:
Պատվավոր «բրոնզը» ստացել է դերասանուհի Ռավշան Կուրկովան՝ հայտնվելով երրորդ հորիզոնականում:
Maxim-ի «թեժ 100-յակում» ընդգրկվել են դերասանուհիներ, երգչուհիներ, մարզուհիներ և տարբեր տարիքի հաղորդավարուհիներ:
Այսպես, օրինակ, վարկանշային աղյուսակի 57-րդ տեղում 45-ամյա Վալերիան է:
Ամենասեքսուալ կանանց հարյուրյակում է հայտնվել նաև Յուլիա Միխալկովան՝ վարկանշային աղյուսակում զբաղեցնելով 53-րդ հորիզոնականը: Երգչուհի Պոլինա Գագարինան հայտնվել է 69-րդ հորիզոնականում, Անի Լորանը՝ 62-ում:
Ռուսաստանում ամենասեքսուալ կանանց վարկանշային աղյուսակը կազմվել է պարբերականի ընթերցողների քվեարկության միջոցով:
