Ռուսական Regnum գործակալության փոխանցմամբ՝ այսօր Եվրախորհրդարանի արտաքին հարաբերությունների հանձնաժողովում տեղի են ունենալու լսումներ՝ նվիրված Լեռնային Ղարաբաղի հակամարտության կարգավորման ներկա վիճակին:
Եվրախորհրդարանի մամլո ծառայությունը հայտնել է, որ դրանք անցկացվում են Եվրախորհրդարանի նախագահ Եժի Բուզեկի՝ հակամարտության տարածաշրջան կատարած այցի արդյունքներով։
Եվրախորհրդարանի հաղորդագրությունում նշված է. «Միջազգային միջնորդությունը՝ ի դեմս ԵԱՀԿ Մինսկի խմբի, դեռևս չի ստեղծել ամուր խաղաղություն տարածաշրջանում։ Ոչ վաղ անցյալում Ադրբեջան կատարած այցի ժամաակ Եժի Բուզեկը նշել է, որ ԵՄ-ն աջակցում է Մինսկի խմբի շրջանակներում Մադրիդյան սկզբունքների հիման վրա ղարաբաղյան հակամարտության խաղաղ կարգավորմանն ուղղված միջազգային ջանքերին»։
Բացի այդ, այդ հաղորդագրությունում նշված է, որ ղարաբաղյան հակամարտության պատճառով Հայաստանը հայտնվել է դիվանագիտական մեկուսացման մեջ և կախվածության մեջ է ընկել Ռուսաստանից.
«Հայ-թուրքական սահմանի փակումից հետո Հայաստանի համար որպես հասանելի ցամաքային միջանցքներ մնացին միայն Վրաստանն ու Իրանը։ Կասպից ծովից դեպի Թուրքիա ձգվող խողովոկաշարը կառուցվեց ոչ թե Հայաստանի, այլ՝ Վրաստանի միջով։ Բացի այդ, Հայաստանի տարածքը շրջանցեց Ադրբեջանն ու Թուրքիան միմյանց կապող երկաթգիծը»։
