Իրանը պատրաստ է մասնակցել Սիրիայի հարցով «Ժնև-2» համաժողովին առանց նախապայմանների: Այս մասին հաղորդում է Reuters գործակալությունը՝ վկայակոչելով Իրանի արտգործնախարար Մուհամմադ Ջավադ Զարիֆին:
«Մեր կարծիքով՝ «Ժնև-2»-ին մասնակցությունը կարևոր ներդրում է (սիրիական) հարցի կարգավորման մեջ: Մենք բազմիցս հայտարարել ենք, որ եթե մեզ հրավիրեն, ապա մենք կմասնակցենք առանց նախապայմանների»,- մեջբերում է գործակալությունը Զարիֆի խոսքերը:
Երկուշաբթի ՄԱԿ-ի գլխավոր քարտուղար Պան Գի Մունը հաղորդել է, որ Սիրիայի հարցով միջազգային համաժողովը տեղի կունենա հունվարի 22-ին՝ չհստակեցնելով՝ Թեհրանը կմասնակցի՞ դրան, թե՞ ոչ:
Սիրիայի հարցով ՄԱԿ-ի և ԱՊԼ հատուկ բանագնաց Լախդար Բրահիմին նշել է, որ համաժողովի մասնակիցների կազմը դեռևս քննարկվում է, իսկ Իրանը և Սաուդյան Արաբիան ներառված են հավանական մասնակիցների թվում:
